Hoe gemaak as jy nie eers na jou dood rus gegun word nie? Wanneer Mart Marais se suinige suster besluit om op kostes te bespaar en ’n goedkoop begrafnisondernemer, AVKOP, te gebruik, ontspoor dinge dramaties. By die hemelpoorte daag Mart op met ’n 80’s-perm so onheilig dat selfs die engele ongemaklik raak. Petrus herken haar nie en stel beleefd voor dat sy moet wag totdat die perm uitsak voor sy weer mag aanklop. Wat volg is ‘n nadoodse nagmerrie.

Tussen blokfluit-huldeblyke, begrafnisbroodjies en ’n kisrok uit sequins, besef Mart: selfs die dood is nie ontsnapping van familie nie.

Mart Marais staan op is die nuutste swartkomedie uit die pen van Ilne Fourie.

SINOPSE:

Mart Marais staan op is Fourie se nuutste eenvrouvertoning. Hierdie skreeusnaakse swartkomedie handel oor wat gebeur wanneer jy selfs ná jou dood nie vrede gegun word nie.

Wanneer Mart Marais se suinige suster besluit om op kostes te bespaar en ’n goedkoop begrafnisondernemer, AVKOP, te gebruik, ontspoor dinge dramaties. By die hemelpoorte daag Mart op met ’n 80’s-perm so onheilig dat selfs die engele ongemaklik raak. Petrus herken haar nie en stel beleefd voor dat sy moet wag totdat die perm uitgesak het voor sy weer mag aanklop.

En so beland Mart – dood, maar nie stil nie – by haar eie begrafnis.

Wat volg is ’n nadoodse nagmerrie: ’n aaklige swaer, Hesbar, se blokfluit-huldeblyk wat geen mens (of siel) behoort te hoor nie en ’n kisrok uit sequins wat meer Vegas as vrede straal. Alles, behalwe rus.

Mart Marais staan op is ’n absurde, eerlike en ongenaakbare blik op familie, goedkoop keuses, en die laaste plek waar jy ooit verwag om jouself terug te vind – jou eie begrafnis.